27 верасня 2024 г. у Краязнаўчым музеі, філіяле НПГКМЗ, адбылося ўрачыстае адкрыццё выстаўкі «БЕЛАРУСЬ XXI СТАГОДДЗЯ. НАШ ГІСТАРЫЧНЫ ВЫБАР». У аснову канцэпцыі новай часовай экспазіцыі пакладзены вядучыя накірункі палітычнага, сацыяльна-эканамічнага і культурнага развіцця Рэспублікі Беларусь, вызначаныя Усебеларускім народным сходам і лакальнымі нарматыўнымі актамі. На выставе наведвальнікі змогуць пазнаёміцца з дасягненнямі прадпрыемстваў і ўстаноў Полацкага раёна за перыяд незалежнасці нашай краіны, матэрыяламі з асабістых калекцый прадстаўнікоў розных галін улады і служыцеляў духоўнага ведамства, а таксама сістэмы адукацыі, аховы здароўя, культуры. Пра тое, як адкрывалася выстава, можна даведацца тут.
