За 85 год існавання Краязнаўчага музея інфармацыя аб ім не аднаразова змяшчалася на старонках перыядычных выданняў. На выставе прадстаўлены мясцовыя і рэспубліканскія газеты 1950-2011 гг., архіўныя матэрыялы першых гадоў работы музея, прадметы з фондаў музея-запаведніка, якія ілюструюць выставачную дзейнасць музея.
Той, хто зацікавіцца жыццём самага старога музея горада, зможа пагартаць гадавыя справаздачы аб яго рабоце і фотаальбом са здымкамі, на якіх адлюстраваны самыя яркія моманты апошніх гадоў.