У рамках анлайн-праекта «Навагодні калейдаскоп» з 1 па 28 снежня 2020 г. супрацоўнікі Краязнаўчага музея Полацка разам з палачанамі збіралі фатаграфіі зімовага часу мінулага стагоддзя. У фотомарафоне «Зіма ў маім горадзе ў другой палове XX ст.» прынялі ўдзел 13 чалавек, якія прадставілі 61 здымак. Прагледзеўшы іх, можна даведацца, наступнае:
- любімым святам гараджан быў Новы год;
- навагоднія ёлкі былі выключна «жывымі», а іх асноўныя ўпрыгажэнні - шкляныя шары і мішура;
- самымі папулярнымі маскараднымі касцюмамі на дзіцячых ранішніках былі «сняжынкі» і «зайчыкі»;
- у вольны час палачане каталіся на каньках на лёдзе в. Валова і гулялі ў хакей на стадыёне «Хімік»;
- у канцы лютага «праводзілі» зіму, будавалі снежныя крэпасці і ўсталёўвалі фігуры казачных герояў.
Супрацоўнікі Краязнаўчага музея выказваюць падзяку ўсім тым, хто прыняў удзел у фотомарафоне: Водневу Віктару, Гаўрылавай Славіне, Дабравольскай Нэлі, Еронька Вользе, Залеўскай Алене, Заянкоўскай Алене, Іваненка Яўгену, Камінскаму Аляксандру, Чыкалінай Вользе, Ліхачовай Таццяне, Протас Таццяне, Сафроні Вользе, Трыгорлаву Анатолю. А пераможцам фотомарафона «Зіма ў маім горадзе ў другой палове XX ст.» стала Протас Таццяна, якой НПГКМЗ уручае сертыфікат на наведванне канцэрта арганнай музыкі ў Сафійскім саборы.
Прагледзіць фотаздымкі яшчэ раз можна тут
